Tamil news Sri Lanka

இலங்கைக்கு மேலும் 5.75 மில்லியன் டொலரை வழங்க அமெரிக்கா தீர்மானம்


பொருளாதார நெருக்கடியால் கடுமையாக பாதிக்கப்பட்டுள்ள இலங்கை மக்களின் உடனடித் தேவைகளை நிவர்த்தி செய்வதற்காக 5.75 மில்லியன் டொலர்களை இலங்கைக்கு வழங்கவிருப்பதாக அமெரிக்கா நேற்று (21) அறிவித்துள்ளது.

இந்த மனிதாபிமான நிதியுதவி நெருக்கடியால் பாதிக்கப்பட்ட மக்களுக்கு அவர்களின் அடிப்படைத் தேவைகளைப் பூர்த்தி செய்வதற்கான பண உதவி, குறுகிய கால வேலைகள் மற்றும் விதைகள் போன்ற விவசாயப் பொருட்களை வழங்குவதற்கு உதவும் என்று இலங்கையிலுள்ள அமெரிக்கத்தூதரகம் தெரிவித்துள்ளது.

அமெரிக்காவால் இலங்கைக்கு வழங்கப்படும் முன்றாவது தவணை நிதியுதவி இதுவாகும்.

ஏற்கனவே, இலங்கையின் பொருளாதார வளர்ச்சிக்கும், தற்போதைய நெருக்கடி நிலையை சமாளிப்பதற்கும், அமெரிக்காவின் சர்வதேச அபிவிருத்தி நிதி கூட்டுத்தாபனத்தின் பணிப்பாளர்கள் சபையின் ஊடாக 120 மில்லியன் அமெரிக்க டொலர்கள் கடனாகவும், அமெரிக்காவின் சர்வதேச அபிவிருத்தி முகவர் அமைப்பின் ஊடாக 6 மில்லியன் அமெரிக்க டொலர்களை நிதியுதவியாகவும் வழங்குவதாக அறிவித்திருந்தமை குறிப்பிடத்தக்கது.



Source link

Related posts

இலங்கையிலுள்ள தெலுங்கு மக்களை பாதுகாக்க பிரதமர் உத்தரவு

Rohan

ரணில் விக்ரமசிங்கவின் விசேட உரை – Trueceylon News (Tamil)

Rohan

எதிர்வரும் இரு தினங்களில் மின்வெட்டு – மின்வெட்டு நேரத்தில் மாற்றம்

Rohan

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy