Tamil news Sri Lanka

BREAKING NEWS :- எரிபொருள் விநியோகம் தொடர்பில் ஜனாதிபதி விடுத்த அதிரடி உத்தரவு


தற்போது கிடைத்துள்ள மற்றும் எதிர்வரும் தினங்களில் கிடைக்கவுள்ள எரிபொருள் தொகை, முறைப்படி நாடு முழுவதும் உள்ள எரிபொருள் நிரப்பு நிலையங்களுக்கு விநியோகிக்க நடவடிக்கை எடுக்குமாறு ஜனாதிபதி கோட்டாபய ராஜபக்ஸ, உரிய அதிகாரிகளுக்கு ஆலோசனை வழங்கியுள்ளார்.

நிதி அமைச்சு மற்றும் மத்திய வங்கியுடன் இணைந்து, அரச மற்றும் தனியார் வங்கிகளின் ஒத்துழைப்புக்களை பெற்று, நாட்டிற்கு தேவையான எரிபொருளை கொள்வனவு செய்வதற்கான கடன் பத்திரங்களை விநியோகிக்கும் திட்டமொன்றை தயாரிக்குமாறு ஜனாதிபதி ஆலோசனை வழங்கியுள்ளார்.

பெட்ரோல், டீசல், சமையல் எரிவாயு ஆகியன விநியோகித்தல் மற்றும் இறக்குமதி செய்தல் தொடர்பில், ஜனாதிபதி மாளிகையில் இன்று இடம்பெற்ற கலந்துரையாடலின் போதே ஜனாதிபதி இதனைக் குறிப்பிட்டுள்ளார்.

நீண்ட கால எரிபொருள் இறக்குமதியை செய்ய எரிபொருள் விநியோகத்தர்களுடன் உடன்படிக்கையை கைச்சாத்துவதில் காணப்படுகின்ற இயலுமை தொடர்பில் அவதானம் செலுத்துமாறும் ஜனாதிபதி ஆலோசனை வழங்கியுள்ளார்.

எரிபொருள் விநியோகிக்கும் போது, பொது போக்குவரத்துக்கு முன்னுரிமை வழங்குமாறும் ஜனாதிபதி கூறியுள்ளார்.

பொலிஸ் கண்காணிப்பின் கீழ், இலங்கை போக்குவரத்து சபைக்கு சொந்தமான எரிபொருள் நிரப்பு நிலையங்களின் ஊடாக, தனியார் பஸ்கள், சுற்றுலாத்துறை பஸ்கள் மற்றும் பாடசாலை வாகனங்களுக்கு எரிபொருளை விநியோகிக்க நடவடிக்கை எடுக்குமாறும் ஜனாதிபதி குறிப்பிட்டுள்ளார்.

ஏனைய அத்தியாவசிய சேவைகளுக்கு, அடையாளம் காணப்பட்ட எரிபொருள் நிரப்பு நிலையங்களின் ஊடாக எரிபொருள் விநியோகிக்க நடவடிக்கை எடுக்குமாறும் ஆலோசனை வழங்கப்பட்டுள்ளது.

இராணுவம் மற்றும் பொலிஸ் விசேட அதிரடி படையின் கண்காணிப்பின் கீழ் இந்த நடவடிக்கைகளை மேற்கொள்ளுமாறு ஜனாதிபதி ஆலோசனை வழங்கியுள்ளார்.

அத்துடன், தேவையற்ற விதத்தில் எரிபொருளை சேகரித்து வைப்போருக்கு எதிராக சட்டத்தை கடுமையாக நடைமுறைப்படுத்துமாறும், ஜனாதிபதி அதிகாரிகளுக்கு உத்தரவு பிறப்பித்துள்ளார்.

தற்போது காணப்படுகின்ற சமையல் எரிவாயுவை, முறையாக விநியோகிக்குமாறும், நாட்டிற்கு தேவையான எரிவாயுவை விரைவில் இறக்குமதி செய்ய நடவடிக்கை எடுக்குமாறும் ஜனாதிபதி ஆலோசனை வழங்கியுள்ளார். (TrueCeylon)




Source link

Related posts

லாஃப்ஸ் நிறுவனத்தின் அதிர்ச்சி செய்தி

Rohan

நுவரெலியாவுக்கு படையெடுக்கவுள்ள இந்திய, சீன, ஐரோப்பிய நாட்டவர்கள்!!

Rohan

பயங்கரவாத ஒழிப்பு சட்ட மீளாய்வு குழுவின் அறிக்கை ஜனாதிபதி வசம்

Rohan

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy