Sinhala

lankacgossip | ඉක්මනින් ඩොලර් හොයන්න…


June 16, 2022 at 5:30 pm | lankacgossip

ඉක්මනින් ඩොලර් හොයන්න…- ජනපති

කඩිනමින් විදේශ විනිමය උපයා ගැනීම සඳහා දෙස් විදෙස් ආයෝජකයන්ට කර්මාන්ත ක්ෂේත්‍රයේ ඉඩප්‍රස්ථා පුළුල් කළ යුතු බව ජනාධිපති ගෝඨාභය රාජපක්ෂ මැතිතුමා පෙන්වා දෙයි.

දීර්ඝ කාලයක සිට පවතින නීති – රීති ආයෝජන සඳහා දැඩි බාධාවක්ව පවතී. ආයෝජන දිරිගැන්වීම වෙනුවෙන් නව උපායමාර්ග අනුගමනය කර කර්මාන්ත ක්ෂේත්‍රයේ ප්‍රවර්ධනය වෙනුවෙන් විශාල වැඩ කොටසක් සිදු කිරීමට ඇති බව ජනාධිපතිතුමා කියා සිටි.

කර්මාන්ත අමාත්‍යාංශයේ ප්‍රගතිය සමාලෝචනය සඳහා අද (16) පෙරවරුවේ කොළඹ, කොටුව ජනාධිපති මන්දිරයේ පැවති සාකච්ඡාවේ දී ජනාධිපතිතුමා මේ බව සඳහන් කළේය.

විදේශ විනිමය ඉපැයිය හැකි කර්මාන්ත හඳුනාගෙන ඒවායේ උන්නතිය වෙනුවෙන් ගත යුතු ඉදිරි වැඩපිළිවෙළ කඩිනමින් සකස් කිරීමේ අවශ්‍යතාව ජනාධිපතිතුමා පෙන්වා දෙනු ලැබීය. විදේශ විනිමය අර්බුදය හමුවේ කර්මාන්තකරුවන් මුහුණ දෙන අභියෝග සහ පිළියම් පිළිබඳ දීර්ඝව සාකච්ඡාවට ලක් කෙරිණ. අපනයන කර්මාන්ත ආශ්‍රිතව උපයන විදේශ විනිමය සෘජුව අමුද්‍රව්‍ය ආනයනය සඳහා යොදා ගැනීමට ඇති හැකියාව සොයා බලන ලෙස ජනාධිපතිතුමා නිලධාරීන්ට පැවසීය.

දේශීය කර්මාන්ත සඳහා නව ප්‍රතිපත්තියක් සකස් කරන බව අමාත්‍ය රමේෂ් පතිරණ මහතා සඳහන් කළේය. එහි ප්‍රධාන කටයුතු මේ වන විට අවසන් කර ඇති අතර ඉතා කෙටි කාලයකදී එය ඉදිරිපත් කිරීමට අපේක්ෂා කරන බව අමාත්‍යවරයා කියා සිටි. මැණික් කර්මාන්තයෙන් ඉපැයිය හැකි විදේශ විනිමය ප්‍රමාණය ඉතා ඉහළ මට්ටමක පැවතුණ ද පවතින නීති – රීති හේතුවෙන් මැණික් සඳහා නිසි ලාභයක් මෙරටට හිමි නොවන බව අමාත්‍යවරයා පෙන්වා දුන්නේය.

නව කර්මාන්ත ඇති කිරීමේ දී සහ අරඹා ඇති කර්මාන්ත පවත්වාගෙන යාමේ දී බොහෝ රාජ්‍ය ආයතනවල ඇති නීතිරීති ඒවා අධෛර්යවත් කරන බව කර්මාන්ත අමාත්‍යාංශයේ ලේකම් ජනරාල් දයා රත්නායක මහතා සඳහන් කළේය. මේ නිසා විදේශ ආයෝජකයන් රැසක් රටට අහිමි වූ බව ද දයා රත්නායක මහතා පැවසීය.

කර්මාන්ත සඳහා අනුමැතිය ලබාදෙන සියලු ආයතන එකම මේසයක සිට පවතින ගැටලු සඳහා විසඳුම් සෙවීමට පියවර නොගත හොත් ආයෝජකයන් දිනාගත නොහැකි බව ජනාධිපතිතුමා පෙන්වා දුන්නේය. රටේ ආර්ථිකය වෙළඳාම මත සැකසී තිබේ. එය නිෂ්පාදන ආර්ථිකයක් බවට පත් කරගැනීම කාලීන අවශ්‍යතාවක් බව ද ජනාධිපතිතුමා සඳහන් කළේය.

ජනාධිපති කාර්ය මණ්ඩල ප්‍රධානි අනුර දිසානායක, කර්මාන්ත අමාත්‍යාංශයට අයත් රේඛීය ආයතනවල නිලධාරිහු මේ අවස්ථාවට එක්ව සිටියහ.

– ජනාධිපති මාධ්‍ය අංශය

278 views



Source link

Related posts

lankacgossip | සුසිල් පේ‍්‍රම්ජයන්ත් වහාම ඇමති ධුරයෙන් ඉවත් කෙරේ…

Rohan

lankacgossip | දියණියගේ සෙබල පෙම්වතාට විශ්‍රාමික හමුදා සෙබලෙක් පහර දෙයි.. පොලිසියටත් පාට් දමයි..

Rohan

lankacgossip | යුගදනවි ගිවිසුමට විරුද්ද අය කැබිනට්ටුවෙන් ඉවත් විය යුතුයි…

Rohan

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy