Sinhala

lankacgossip | ගෑස් මිල පාලනය ගිලිහේ…. සිලින්ඩරය 3500යි…


November 8, 2021 at 10:40 am | lankacgossip

ගෑස් මිල පාලනය ගිලිහේ…. සිලින්ඩරය 3500යි…

පවතින ගෑස් හිඟය හේතුවෙන් වෙළෙඳ ව්‍යාපාරිකයන් රුපියල් 2500-3500 පරාසයක විවිධ මිල ගණන් යටතේ ගෑස් අලෙවි කෙරේ. මෙලෙස විවිධ මිලට අලෙවි කළත් ගෑස් ලබාගැනීමට නොහැකිව පාරිභෝගිකයෝ දැඩි අසීරුතාවට පත්ව සිටිති.

ලිට්‍රෝ ගෑස් සමාගමේ සභාපති තෙෂර ජයසිංහ පැවැසුවේ ගෑස් තොග රැගත් නෞකාවක් පැමිණ ඇති බැවින් පවතින හිඟය සතියකින් පමණ අවසන් වන බවයි. දෛනිකව ගෑස් සිලින්ඩර අසූදහසක් වෙළෙඳපොළට නිකුත් කරන බවද සභාපතිවරයා ප්‍රකාශ කළේය.

මේ අතර පාරිභෝගිකයන්ට අඩුමිලට ගෑස් සැපයීමට නොහැකිව ඇත්තේ මුදල් අමාත්‍යාංශයේ බලපෑම මත අත්සන් කර දැනට ක්‍රියාත්මක ගෑස් සැපයුම් ගිවිසුම හේතුවෙන් බව ලිට්‍රෝ සුරැකීමේ ජාතික එකමුතුව පෙන්වා දෙයි. දැනට ’ඕමාන් ට්‍රේඩින්’ ආයතනය සමග අත්සන් තබා ඇති මෙම ගිවිසුම හේතුවෙන් විවෘත වෙළෙඳ පොළේ ඩොලර් 600ක වැනි මිලකට අලෙවි වන ගෑස් මෙට්‍රික් ටොන් එකක් ඩොලර් 800ක් වැනි ඉහළ මිලකට මිලදී ගැනීමට සිදුව ඇති බවත් මෙට්‍රික් ටොන් 01ක් ඩොලර් 25ක් වැනි මුදලකට ප්‍රවාහනය කර ගැනීමට හැකියාව තිබියදී ඒ වෙනුවෙන් ටොන් එකකට ඩොලර් 105ක් ලෙස ඉහළ මිලක් ගෙවීමට සිදුව ඇති බවත් ලිට්‍රෝ සුරැකීමේ එකමුතුවේ සභාපති නලින් සමන්ත පැවසීය.

ගෑස් හිඟය හේතුවෙන් දිවයින පුරා ආපනශාලා හා හෝටල් පවත්වාගෙන යාමටද අසීරු වී තිබේ. ඇතැම් හෝටල් ඊයේ (07 වැනිදා) පස්වරුවේ වසා දමා තිබුණේ ගෑස් නොමැති නිසා ආහාර සැකසීමට නොහැකි බව ප්‍රකාශ කරමිනි.

උදයජීව ඒකනායක
– Aruna

130 views



Source link

Related posts

lankacgossip | පලිබෝධනාශක ආනයනයට සූදානම්.. මහින්දානන්දගෙන් කැබිනට් පත‍්‍රිකාවක්..

Rohan

lankacgossip | එන්නත්කරණය වැඩකරයි.. රෝහල් බාගයක් හිස්වේ.. මෙහෙයුම සාර්ථකව අවසන් බව චීනය කියයි..

Rohan

lankacgossip | ඥානසාර හිමි පාර්ලිමේන්තුවට..

Rohan

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy