Sinhala

lankacgossip | රත්නපුරේ මැණික් පොකුර ගැන අධිකාරිය සද්ද නෑ.. එදා කියූ කතා චවන විතරයි..


October 26, 2021 at 2:10 pm | lankacgossip

රත්නපුරේ මැණික් පොකුර ගැන අධිකාරිය සද්ද නෑ.. එදා කියූ කතා චවන විතරයි..

රත්නපුරෙන් සොයාගත් රුපියල් කෝටි 2000 කට අධික වටිනාකමින් යුත් කොරන්ඩම් මැණික් පොකුර සම්බන්ධයෙන් මැණික් හා ස්වර්ණාභරණ අධිකාරිය නිහඬ පිළිවෙතක් අනුගමනය කරන බව එම අධිකාරියේ අභ්‍යන්තර ආරංචි මාර්ග කියා සිටී.

කිලෝ 530 ක් බර මෙම කොරන්ඩම් මැණික් පොකුර සොයා ගැනීමත් සමග ලෝක ප‍්‍රසිද්ධියක් ලබාදී චීනයේ ප‍්‍රදර්ශනයකදී අලෙවි කිරීමට කටයුතු කරන බව බලධාරීහු ප‍්‍රකාශ කළහ. නමුත් මේ වනතෙක් එය වචනවලට පමණක් සීමාවී ඇතැයිද එම ආරංචි මාර්ග පවසයි. මෙම මැණික් පොකුර සඳහා සහතිකය 2020 ජුනි 12 දින අධිකාරිය විසින් නිකුත් කර තිබේ.

මෙම මැණික් පොකුර ප‍්‍රදර්ශනයකට වෙනත් රටකට රැගෙන යනවා නම් එය රක්‍ෂණය කළ යුතු අතර කෝටි 2000 ක් වටිනා බව කියන මෙම මැණික් පොකුර රක්‍ෂණය කළ හැකි ආයතනයක් මෙරට නොමැති නිසා විදෙස් ආයතනයකින් එම රක්‍ෂණය ගත යුතු බවද එම ආරංචි මාර්ග කියයි. එහෙත් මෙම මැණික් පොකුර මූල්‍යමය වටිනාකමකට වඩා කෞතුකමය වටිනා කමක් තිබෙන බවට මැණික් සම්බන්ධ විද්වතුන් ප‍්‍රකාශ කිරීම නිසා එය රක්‍ෂණය කිරීමද ගැටලූවක් වී ඇත.

මෙම මැණික් පොකුර විදේශයකට යෑමට පෙර තක්සේරු වාර්තාවක් ලබා ගැනීමට ස්විස්ටර්ලන්තයට රැගෙන යා යුතු බවත් ඒ සඳහා රුපියල් ලක්‍ෂ 60 ක් පමණද එම ස්විට්සර්ලන්ත ආයතනයේ නිලධාරීන් මෙරටට පැමිණ තක්සේරු කළහොත් රු. ලක්‍ෂ 100 ක් පමණද වැයවනු ඇතැයිද ආරංචි මාර්ග පවසයි.

මෙම මැණික් පොකුර වටිනාකමක් නැතැයි කියා වාර්තා වුවහොත් වාර්තාව සඳහා මුදලද අපතේ යෑමක් විය හැකි බවත් මැණික් පොකුර ඇත්තටම වටිනවා නම් එය අලෙවි කර රජයට ඩොලර් ලබා ගැනීමට කටයුතු කළ යුතු බවත් පැවසේ.

මෙවැනි මැණික් පොකුරක් හිටපු පාර්ලිමේන්තු මන්තී‍වරයෙකු වන අර්ල් ගුණසේකර මහතා සතුව පවතින බවද එය අලෙවි කිරීමට සූදානම් බව ඔහු ප‍්‍රකාශ කර ඇතැයිද ආරංචි මාර්ග පවසයි.

මේ සම්බන්ධයෙන් විමසීම සඳහා මැණික් හා ස්වර්ණාභරණ අධිකාරියේ සභාපති තිලක් වීරසිංහ මහතා දුරකථනයෙන් සම්බන්ධ කර ගැනීමට උත්සාහ කළද එය ව්‍යර්ථ විය.

චමින්ද සිල්වා
– divaina

1,367 views



Source link

Related posts

lankacgossip | කැබිනට් පත‍්‍රිකා පෙන්නා එවෙලේම සම්මත කරනවා.. බලන්නවත් වෙලාවක් නෑ..මෙහෙම කරන්නෙ කොහොමද..

Rohan

lankacgossip | කෝවිඩ් එන්නත අනිවාර්ය කිරීම මිනී මැරීමට උපදෙස් දීමක්..

Rohan

lankacgossip | එන්නත් කාඩ්පත නැතිව පොදු ස්ථාන තහනම්.. නමුත් සියළු එන්නත් මාස හයෙන් බල බිදෙයි..

Rohan

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy