Sinhala

lankacgossip | යහපාලන කාලෙ පාසල් දරුවන්ට ටැබ් දෙන්න කලින් වැසිකිලි ටික හදලා දෙන්න තිබුණා..


October 21, 2021 at 6:20 am | lankacgossip

යහපාලන කාලෙ පාසල් දරුවන්ට ටැබ් දෙන්න කලින් වැසිකිලි ටික හදලා දෙන්න තිබුණා..

යහපාලන ආණ්ඩුව පාසල් දරුවන්ට  ටැබ් දෙන්න කතා කල කාලේ වැසිකිලි නැති පාසල්වල වැසිකිළි ටික හදා දුන්නා නම් කොච්චර හොඳ දැයි පළාත් සභා හා පළාත් පාලන කටයුතු රාජ්‍ය අමාත්‍ය රොෂාන් රණසිංහ මහතා පැවසීය.

දිඹුලාගල වැලිකන්ද රුහුණුකෙත කනිෂ්ඨ විද්‍යාලයේ අඩුපාඩු සොයා බැලීම සඳහා පසුගියදා උතුරුමැද පළාත් ආණ්ඩුකාරවර මහීපාල හේරත් මහතා සමග එම ස්ථානයේ නිරීක්ෂණ චාරිකාවට එක් වෙමින් රාජ්‍ය අමාත්‍යය රොෂාන් රණසිංහ මහතා එසේ පැවසීය.

ග්‍රාමීය පාසල්වල වැසිකිළි පහසුකම් අඩුයි.බීමට ජලය පහසුකම් අඩුයි. ඒ මූලික ප්‍රශ්න නොවිසඳා දරුවන්ගේ අධ්‍යාපනය ගැන කතා කිරීම ප්‍රායෝගික නැතැයිද එහිදී රාජ්‍ය අමාත්‍යවරයා පැවසීය.

පොලොන්නරුව දිස්ත්‍රික්කයේ ජාතික පාසල් 9ට අමතරව පළාත් සභා පාසල් 244 ක් තිබෙනවා .දරුවන් 90000 වඩා අධ්‍යාපනය ලබන අතර ගුරුවරු 5000කට වඩා එහි සේවය කරන බවද එහිදී රාජ්‍ය අමාත්‍යවරයා පැවසීය.

කිසිම දිනක පාසල් නොගිය 15000කට ආසන්න පිරිසක් පොලොන්නරුව දිස්ත්‍රික්කයේ  ජීවත්වන බවත් තාමත් පාසල් යා යුතු වයසේ සිටින එහෙත් පාසල් නොගිය දරුවන් 500කට වැඩි පිරිසක් නිවෙස්වලට වී සිටින බවද, රාජ්‍ය අමාත්‍යවරයා එහිදී කියා සිටියේය.මෙම ගැටළු වලට අදාල වගකිවයුතු රජයේ නිලධාරීන් මැදිහත් වී කටයුතු කරනු ඇතැයි ද  එහිදී අමාත්‍යවරයා වැඩිදුරටත් පැවසීය.

මෙම අවස්ථාවට උතුරු මැද පළාත් ආණ්ඩුකාරවර මහීපාල හේරත් මහතා, උතුරු මැද පළාත් ප්‍රධාන ලේකම්, දැනට පළාත් අධ්‍යාපන ලේකම් කලාප හා කොට්ඨාස අධ්‍යක්ෂවරුන් ඇතුළු නිලධාරීන් පිරිසක් එක්ව සිටියහ.

– ප්‍රසන්න අධිකාරි

48 views



Source link

Related posts

lankacgossip | ජනතාව බඩ ගැන නොව රට ගැන සිතිය යුතුයි.. ලෝක ආර්ථික අර්බුදය අපට පාලනය කරන්න බෑ..

Rohan

lankacgossip | ලොහාන් එක්ක එල්ලුම් ගහ බලන්න ගියේ රූ රැජිනක් නොවේ.. නිළියක්..

Rohan

lankacgossip | පොලිස් නිලධාරීන් පත් කිරීම දේශපාලනීකරණය වෙලා.. සෞභාග්‍යයේ දැක්ම අතහැර පිස්සු කෙලිනවා..

Rohan

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy